१२ मे रोजी शपथविधी सोहळ्याचे आयोजन
लोकवाहिनी न्यूज:गुवाहाटी : आसाममध्ये भारतीय जनता पार्टीच्या नेतृत्वाखालील राष्ट्रीय लोकशाही आघाडीच्या सरकार स्थापनेची प्रक्रिया वेगाने सुरू झाली आहे. राष्ट्रीय लोकशाही गठबंधन (राजग) विधायक दलाचे नेते आणि मुख्यमंत्री डॉ. हिमंत बिस्वा सरमा यांनी रविवारी लोक भवन येथे आसामचे राज्यपाल लक्ष्मण प्रसाद आचार्य यांची भेट घेऊन राज्यात नवीन सरकार स्थापनेचा प्रस्ताव सादर केला.
हिमंत बिस्वा सरमा यांनी ‘एक्स’ या सोशल मीडिया प्लॅटफॉर्मवर पोस्ट करत म्हटले की, आसामच्या जनतेचा आशीर्वाद आणि विश्वास सोबत घेऊन, आज मी राजभवनामध्ये राज्यपाल लक्ष्मण प्रसाद आचार्य यांच्याकडे सरकार स्थापनेचा प्रस्ताव सादर केला. सर्वसामान्य जनतेच्या आशा-आकांक्षा पूर्ण करण्यासाठी आणि विकास, सुशासन व समृद्ध आसामच्या दिशेने होणारा प्रवास अधिक गतिमान करण्यासाठी, आम्ही पुन्हा एकदा कटिबद्ध आहोत.
