लोकवाहिनी न्यूज
मुंबई : भारतीय चित्रपटसृष्टीतील अभिनेता रणवीर सिंग यांच्याविरोधात जारी करण्यात आलेला असहकाराचा आदेश फेडरेशन ऑफ वेस्टर्न इंडिया सिने एम्पलॉईज (एफडब्ल्यूआयसी) या संघटनेने बुधवारी मागे घेतल्याची माहिती समोर आली आहे. काही दिवसांपूर्वी २५ मे रोजी हा आदेश जारी करण्यात आला होता, ज्यामुळे मनोरंजन क्षेत्रात मोठी चर्चा निर्माण झाली होती.
फरहान अख्तर यांच्या डॉन ३ या बहुचर्चित चित्रपटापासून रणवीर सिंग यांनी स्वतःला दूर केल्याच्या पार्श्वभूमीवर हा वाद निर्माण झाला होता. त्यानंतर संबंधित प्रकरणात इंडियन फिल्म अँड टेलिव्हिजन डायरेक्टर्स असोसिएशनकडे तक्रार दाखल करण्यात आली होती आणि पुढील कारवाईसाठी हे प्रकरण एफडब्ल्यूआयसीकडे पाठवण्यात आले होते. मात्र, रणवीर सिंग यांच्या वतीने संघटनेला कायदेशीर नोटीस पाठवण्यात आल्यानंतर परिस्थिती बदलली.
याचबरोबर इंडियन मोशन पिक्चर प्रोड्युसर्स असोसिएशन, प्रोड्युसर्स गिल्ड ऑफ इंडिया आणि सिने अँड टीव्ही आर्टिस्ट्स असोसिएशन यांनीही हस्तक्षेप करून सर्व संबंधित पक्षांमध्ये समन्वय साधण्याची विनंती केली.
