कोहळे आणि वंजारीमध्ये चुरशीची लढत

निकाल आज पहाटे हाती येण्याची शक्यता

लोकवाहिनी न्यूज

नागपूर : विधानपरिषदेच्या नागपूर पदवीधर मतदारसंघाच्या निवडणुकीच्या मतमोजणीत पहिल्या फेरीत महाविकास आघाडीचे उमेदवार ॲड. अभिजीत वंजारी यांनी आघाडी घेतल्याचे दिसून आले. रात्री नऊ वाजेपर्यंत झालेल्या मतमोजणीच्या पहिल्या फेरीत सुमारे ८४ हजार मतपत्रिकांची मोजणी झाली होती व वंजारी यांनी प्रतिस्पर्धी उमेदवार महायुतीचे सुधाकर कोहळे यांच्यावर जवळपास आठशे मतांची आघाडी घेतल्याचे प्राथमिक चित्र होते. अपक्ष उमेदवार नितेश कराळे यांनीही चौदाारांहून अधिक मते मिळविल्याने लढतीतील चुरस कायम आहे. मतमोजणी अध्याप सुरू असल्याने बातमी लिहीस्तोवर अंतिम निकालासाठी बुधवारच्या पहाटेपर्यंत प्रतीक्षा करावी लागणार आहे.

नागपूर विभाग पदवीधर मतदारसंघाच्या मतमोजणीच्या प्रारंभिक फेरीत एकूण ४४५ मतदान केंद्रावरील एकूण ७८८ मतपेट्यांत त्यातील ३४ मतपत्रिका बाद ठरविण्यात आल्या. अशा पद्धतीने १,६५,७०५ मतपत्रिका प्राप्त झाल्या होत्या. तसेच मतमोजणीसाठी २३८ टपाली मतपत्रिका प्राप्त झाल्या होत्या. एकूण १,६५,९०९ मतपत्रिकांची मोजणी करण्यात आली. सुरुवातीला सर्व मतपत्रिकांची सरमिसळ करण्यात आली व त्यानंतर पसंतीक्रमानुसार मतमोजणीस सुरुवात झाली. पहिल्या फेरीत प्रत्येक टेबलवर २५ मतपत्रिकांचे ४० गठे असे प्रत्येक टेबलवर १ हजार याप्रमाणे ८४ हजार मतपत्रिकांची मोजणी करण्यात आली. पहिल्या टप्प्यात ८३ टेबलवर वंजारी यांना २८ हजार ४३६, कोहळे यांना २७ हजार ७५१ तर नितेश कराळे यांना १४ हजार २४३ मते मिळाली.

मतमोजणीदरम्यान अवैध मतपत्रिकांची संख्या मोठी असल्याचे प्राथमिक चित्र आहे. सुमारे ८४ हजार मतपत्रिकांपैकी हजारो अधिक मतपत्रिका अवैध ठरल्याची माहिती आहे. मात्र, अवैध मतपत्रिकांची अधिकृत आकडेवारी बातमी लिहीस्तोवर स्पष्ट झालेली नव्हती. वैध मतांची अंतिम संख्या निश्चित झाल्यानंतर विजयासाठी आवश्यक मतांचा कोटा स्पष्ट होईल.

दुसऱ्या पसंतीच्या मतांवर निकालाचे गणित?

पदवीधर मतदारसंघाची निवडणूक पसंतीक्रमानुसार होत असल्याने पहिल्या पसंतीच्या मतांमधून विजयाचा काटा पूर्ण न झाल्यास पुढील पसंतीच्या मतांची मोजणी केली जाईल. त्यामुळे सध्याच्या आघाडीवरून अंतिम निकालाचा निष्कर्ष काढता येणार नाही. दुसऱ्या पसंतीच्या मतांमुळे निकालाचे गणित बदलण्याची शक्यता असून, ‘एलիմination’ फेऱ्यांमुळे अंतिम निकाल जाहीर होण्यास विलंब होऊ शकतो. मतमोजणी पूर्ण झाल्यानंतर वैध मतांची संख्या, उमेदवारनिहाय मतांचा तपशील आणि पसंतीक्रमानुसार होणारी मोजणी यावरूनच निवडणुकीचा अंतिम निकाल स्पष्ट होणार आहे.