रजनीकांत यांच्या ‘जेलर २’ या चित्रपटाने बॉक्स ऑफिसवर शानदार कामगिरी केली आहे. प्रदर्शनंतर अवघ्या सात दिवसांत या चित्रपटाने जगभरात ५७८.३ कोटी रुपयांची कमाई केली आहे. या कमाईसह चित्रपटाने ‘दृश्यम ३’ला मागे टाकले असून, २०२६ मधील सर्वाधिक कमाई करणाऱ्या भारतीय चित्रपटांच्या यादीत दुसरे स्थान मिळवले आहे. ‘जेलर २’ला भारतासह परदेशातील प्रेक्षकांचाही चांगला प्रतिसाद मिळत आहे. चित्रपटातील रजनीकांत यांच्या अभिनयाचे प्रेक्षकांकडून कौतुक केले जात आहे. त्यामुळे चित्रपटाच्या कमाईत सातत्याने वाढ होत असल्याचे दिसत आहे.
माहितीनुसार, ‘जेलर २’ ने प्रदर्शनाच्या सातव्या दिवशी भारतात ३३.२२ कोटी रुपयांचे नेट कलेक्शन केले. पहिल्या सात दिवसांत चित्रपटाचे भारतातील एकूण ग्रॉस कलेक्शन ३०४.३ कोटी रुपयांवर पोहोचले आहे. तर परदेशातील बाजारपेठेतून चित्रपटाने २०४ कोटी रुपयांची कमाई केली आहे. अशा प्रकारे चित्रपटाची जगभरातील एकूण कमाई ५७८.३ कोटी रुपये झाली आहे. २०२६ मध्ये जगभरात सर्वाधिक कमाई करणाऱ्या भारतीय चित्रपटांच्या यादीत ‘धुरंधर २’ हा १,८५०.८४ कोटी रुपयांच्या कमाईसह पहिल्या क्रमांकावर आहे. त्यानंतर ‘जेलर २’ने ५७८.३ कोटी रुपयांसह दुसरे स्थान मिळवले आहे.
