एकनाथ शिंदेकडून कौतुक
लोकवाहिनी न्यूज
पुणे : बंद पडलेले कारखाने पुन्हा सुरू होणे ही महाराष्ट्राच्या औद्योगिक विकासासाठी महत्त्वाची बाब आहे. यामुळे हजारो तरुणांना रोजगाराच्या संधी उपलब्ध होतील. सहकार क्षेत्राला नवी दिशा देण्यासह देशातील नक्सलवाद संपवण्याचे श्रेय केंद्रीय गृहमंत्री अमित शाह यांना देत, उपमुख्यमंत्री एकनाथ शिंदे यांनी त्यांच्या कार्याचे कौतुक केले. तसेच मोदी आणि शाह यांच्यावर टीका करणाऱ्या विरोधकांनाही त्यांनी लक्ष्य केले.
केंद्रीय गृहमंत्री अमित शाह दोन दिवसांच्या पुणे दौरेवर आले आहेत. या दौरान त्यांनी पुण्यातील मुंढवा परिसरातील भारत फोर्ज लिमिटेड कंपनीला भेट दिली. तसेच मल्टीस्टेट को-ऑपरेटिव्ह सोसायटीच्या भूमिपूजन समारंभाला उपस्थिती लावली. या कार्यक्रमात बोलताना उपमुख्यमंत्री एकनाथ शिंदे यांनी अमित शाह यांच्या कामाची प्रशंसा केली. महाराष्ट्राच्या औद्योगिक आणि सहकार क्षेत्राच्या विकासासाठी शाह यांचे नेहमीच सहकार्य मिळत असल्याचे त्यांनी सांगितले. शिंदे म्हणाले की, तळेगावची भूमी उद्योगांना चालना देणारी आहे. येथे कंपनी पुन्हा सुरू होत असल्याने महाराष्ट्रासाठी ही अभिमानाची बाब आहे. या प्रकल्पामुळे हजारो तरुणांना रोजगाराच्या संधी उपलब्ध होणार आहेत. राज्यातील बंद पडलेले कारखाने पुन्हा सुरू होणे ही काळाची गरज आहे. अशा प्रकल्पांना केंद्र सरकारकडून नेहमीच सहकार्य मिळत असल्याचे त्यांनी नमूद केले.
सहकार क्षेत्रातील बदलांचा उल्लेख करताना शिंदे यांनी अमित शाह यांच्या योगदानाचे कौतुक केले. त्यांच्या मते, यापूर्वी सहकार क्षेत्राची स्थिती खालावली होती. मात्र, अमित शाह यांनी या क्षेत्रात लक्ष घालून त्याला पुन्हा उभे करण्यासाठी प्रयत्न केले. त्यांनी सहकार क्षेत्र अधिक मजबूत केले असून, त्यांच्या दूरदृष्टीमुळे या क्षेत्राला नवी दिशा मिळाली आहे. सहकार मंत्री झाल्यानंतर या क्षेत्रात नव्या पर्वाला सुरुवात झाल्याचेही शिंदे म्हणाले. अमित शाह यांचे कौतुक करताना शिंदे यांनी त्यांना ‘असंभव को संभव करनेणारे’ असे संबोधले. अशक्य वाटणाऱ्या गोष्टी शक्य करून दाखवण्याची क्षमता त्यांच्यात असल्याचे सांगत त्यांनी शाह यांना अभिवादन केले. महाराष्ट्राच्या प्रगतीसाठी अमित शाह यांचा नेहमीच एक हात पुढे असतो. राज्यातील महत्त्वाच्या प्रकल्पांना त्यांची साथ मिळत असल्याहून विकासाकामांना गती मिळत असल्याचे त्यांनी स्पष्ट केले.
यावेळी शिंदे यांनी विरोधकांवरही निशाणा साधला. विरोधकांना पंतप्रधान नरेंद्र मोदी आणि अमित शाह यांच्या नावाचा फोबिया झाला असून, त्यामुळे ते सातत्याने टीका करत असून, त्यांच्या मनात मळमळ आणि जळमळ असल्याचा टोला त्यांनी लगावला. देशातील नक्सलवाद संपवण्याचे काम मोदी आणि शाह यांनी केल्याचा दावा त्यांनी केला. २०१४ पूर्वीच्या सरकारवर टीका करताना शिंदे यांनी त्या काळातील भ्रष्टाचारांमुळे अनेक कारखाने बंद पडल्याचा आरोप केला. मात्र, २०१४ नंतर बंद पडलेले कारखाने पुन्हा सुरू होऊ लागल्याचे ते म्हणाले. महाराष्ट्र हे देशाचे ‘ग्रोथ इंजन’ असून, राज्याच्या औद्योगिक विकासासाठी अशा प्रकल्पांचे महत्त्व मोठे आहे, असेही त्यांनी सांगितले. राज्यातील उद्योग आणि सहकार क्षेत्राच्या प्रगतीसाठी केंद्र सरकारचे सहकार्य महत्त्वाचे असल्याचे सांगत शिंदे यांनी अमित शाह यांचे आभार मानले. त्यांच्या नेतृत्वाखाली सहकार क्षेत्रात अमूलाग्र बदल होत असून, देशाच्या विकासाला नवी दिशा मिळत असल्याचे त्यांनी नमूद केले.















