लोकवाहिनी न्यूज
नवी दिल्ली : दिल्ली उच्च न्यायालयाने वरिष्ठ पर्यावरणवादी कार्यकर्ते सोनम वांगचुक यांची सुरक्षितता आणि आरोग्यासंदर्भात दाखल केलेल्या जनहित याचिकेवर सुनावणी घेतली. वांगचुक गेल्या १९ दिवसांपासून जंतर मंतर येथे उपोषणावर आहेत. सुनावणीदरम्यान, सॉलिसिटर जनरल तुषार मेहता यांनी केंद्र सरकारच्या वतीने न्यायालयात हजर राहून माहिती दिली की, या प्रकरणी बुधवारी नोटीस बजावण्यात आली आहे.
न्यायालयाने स्पष्टपणे सांगितले की, सरकारी डॉक्टरांकडून त्यांची नियमित तपासणी केली जावी आणि डॉक्टरांच्या अहवालाच्या आधारे तातडीने कारवाई केली जावी, कारण प्रत्येक मानवी जीवन मौल्यवान आहे.
