लोकवाहिनी न्यूज:अहमदाबाद : पश्चिम आशियातील सध्याच्या तणावाच्या पार्श्वभूमीवर, भारताच्या स्वयंपाकाच्या गॅस पुरवठ्याबाबत एक दिलासादायक बातमी आहे. मार्शल आयलंडचा ध्वज असलेले ‘सिमी’ हे एलपीजी मालवाहू जहाज रविवारी सकाळी गुजरातच्या कांडला येथील दीनदयाळ बंदरात यशस्वीरीत्या दाखल झाले. या जहाजाने १३ मे रोजी धोकादायक होर्मुझ सामुद्रधुनी पार केली होती. गेल्या ७५ दिवसांपासून पश्चिम आशियात सुरू असलेल्या युद्धामुळे हा सागरी मार्ग अत्यंत असुरक्षित आहे.
इंडियन ऑईल कॉर्पोरेशनने कतारच्या रास लाफान टर्मिनलवरून खरेदी केलेला सुमारे २०,००० टन स्वयंपाकाचा गॅस घेऊन हे जहाज भारतात दाखल झाले. जहाजावरील सर्व २१ परदेशी कर्मचारी सुरक्षित आहेत.
