बाबासाहेबांची शैक्षणिक संस्था नागपुरातही सुरू करणार केंद्रीय मंत्री रामदास आठवले यांची माहिती

लोकवाहिनी न्यूज

नागपूर : भारतरत्न डॉ. बाबासाहेब आंबेडकर यांनी स्थापन केलेल्या पीपल्स एज्युकेशन सोसायटीचा (पेस) विदर्भात विस्तार करण्यात येणार आहे. यासाठी नागपूर शहराच्या परिसरात १५ एकर जागेची मागणी राज्य सरकारकडे करण्यात आली आहे. याशिवाय, भविष्यातील शैक्षणिक संकुलाच्या उभारणीसाठी १५० ते २०० एकर जागेची मागणीही करण्यात आल्याची माहिती केंद्रीय सामाजिक न्याय राज्यमंत्री तथा पीईसचे अध्यक्ष रामदास आठवले यांनी पत्रकार परिषदेत दिली.

डॉ. बाबासाहेब आंबेडकर यांच्या शैक्षणिक कार्याचा वारसा विदर्भात व्यापक स्वरूपात पुढे नेण्यासाठी संस्थेच्या गव्हर्निंग मंडळाने पुढाकार घेतला आहे. वंचित, दलित आणि समाजातील सर्वच घटकातील होतकरू विद्यार्थ्यांना दर्जेदार शिक्षणाच्या संधी उपलब्ध करून देण्याच्या संस्थेचा प्रयत्न राहील, असे आठवले यांनी सांगितले.

काँग्रेसचे राष्ट्रीय अध्यक्ष मल्लिकार्जुन खरगे यांनी प्रधानमंत्री नरेंद्र मोदी यांच्याबाबत केलेल्या वक्तव्यावर आठवले म्हणाले, खरगे हे दलित समाजातून येतात. त्यांच्याबद्दल आदर आहे. त्यांनी प्रधानमंत्री नरेंद्र मोदी यांचा बाप काढला. त्यांच्या या वक्तव्याचे समर्थन करता येणार नाही. कुणाचाहि बाप काढणे योग्य नाही. पुढील निवडणुकीत प्रधानमंत्री नरेंद्र मोदीच येतील, असे सभेत कार्यकर्ते म्हणत होता. ते बरोबरच आहे. २०२९ च्या निवडणुकीतही प्रधानमंत्री मोदीच असतील, मोदींच बाप आहे आणि तेच सत्तेत येतील, असे आठवले म्हणाले, समोर चार राज्यांच्या निवडणुका आहेत. या निवडणुकीत आम्ही जिंकू, असे ते म्हणाले.

रामदास आठवले म्हणाले की, सभेत कार्यकर्ते त्यांची सभा उधळण्यासाठी आला नव्हता. सभा आम्ही उधळल्या आहेत. आम्हाला माहिती आहे.

रामदास आठवले म्हणाले की, आंदोलन करण्याचा अधिकार आहे. परंतु बंगाल, नेपाळप्रमाणे आंदोलनातून सत्ता दडपण्याचा डाव विरोधकांच्या भारतात यशस्वी होणार नाही. भारतात डॉ. बाबासाहेब यांचे संविधान आहे. लोकशाही पद्धतीने निवडणुकीच्या माध्यमातून सत्ता परिवर्तन करता येते. सत्तेत येण्यासाठी प्रयत्न करणे सर्वांचाच अधिकार आहे. परंतु आंदोलनाच्या माध्यमातून मोदींची सत्ता घालवण्याचा त्यांचा प्रयत्न यशस्वी होणार नाही. त्यांनी निवडणुकीच्या माध्यमातून सत्ता हाती घ्यावी. सत्ता कुणाची उधळायची हे नागरिक ठरवतील, असे ते म्हणाले.

केंद्रीय निवडणूक आयोगाकडून मतदार याद्यांच्या संदर्भात एसआरआरची प्रक्रिया राबविण्यात येत आहे. या प्रक्रियेच्या माध्यमातून अनेकांचे नावे कमी करण्यात आली असून मतदारांना फायदा पोहोचवण्यासाठी सामान्य नागरिकांवर अन्याय करण्यात येत असल्याचा आरोप होत आहे. यावर रामदास आठवले म्हणाले की, एसआरआरची प्रक्रिया कुणावरही अन्याय करण्यासाठी नाही आहे. मतदार याद्यांच्या शुद्धिकरणासाठी ही प्रक्रिया राबवण्यात येत आहे, ज्यांचे नाव मतदार यादीत नाही, त्यांना नव्याने अर्ज करून नाव नोंदवता येणार आहे. त्याचप्रमाणे मतदानासाठी आधार कार्डचा वापर करण्याची गरज असल्याचे म्हणाले.

डॉ. बाबासाहेब आंबेडकर यांनी १९४६ मध्ये मुंबई येथे पीपल्स एज्युकेशन सोसायटीची स्थापना केली. वंचित आणि उपेक्षित घटकांना गुणवत्तापूर्ण शिक्षणाच्या माध्यमातून सक्षम करणे हा संस्थेचा प्रमुख उद्देश आहे. गेल्या आठ दशकांत संस्थेचा विस्तार मुंबई, नवी मुंबई, छत्रपती संभाजीनगर, पुणे, कोल्हापूर आणि बंगळुरू येथे झाला आहे. विविध शाखांमधील ४३ शैक्षणिक संस्थांच्या माध्यमातून एक लाखांहून अधिक विद्यार्थी शिक्षण घेत आहेत.

डॉ. बाबासाहेब आंबेडकर यांच्या ऐतिहासिक आणि भावनात्मक नात्याने जोडलेल्या नागपूर शहरात अद्याप पीईसचे शैक्षणिक संकुल नाही. दीक्षाभूमीमुळे जगत्तिक स्तरावर ऐतिहासिक महत्त्व प्राप्त झालेल्या नागपुरात संस्थेचा विस्तार झाल्यास बाबासाहेबांच्या शैक्षणिक विचारána वरदान आर्थिक व्यापक करता येईल. त्यांच्या अपूर्ण स्वप्नांच्या पूर्तीच्या दिशेने हे महत्त्वाचे पाऊल ठरेल, अशी भूमिका संस्थेने मांडली आहे.

विदर्भातील शैक्षणिक विकासासाठी केंद्र व राज्य सरकार तसेच सीएसआरच्या माध्यमातून निधी उभारण्यात येणार आहे. शाळेपासून ते अभियांत्रिकी, वैद्यकीय आणि पॅरामेडिकल शिक्षणापर्यंत विविध संधी उपलब्ध करून देण्याच्या संस्थेचा मानस आहे. डिजिटल तंत्रज्ञान आणि कृत्रिम बुद्धिमत्तेसारख्या आधुनिक क्षेत्रातील अभ्यासक्रमांना प्राधान्य दिले जाणार आहे. यासाठी विदर्भ समिती आणि संबंधित विषयातील तज्ज्ञांच्या मदतीने नियोजन करण्यात येईल, असे संस्थेचे उपाध्यक्ष डॉ. सुखदेव थोरात यांनी सांगितले.

पत्रकारपरिषदेत संस्थेचे उपाध्यक्ष तथा विद्यापीठ अनुदान आयोगाचे (युजीसी) माजी अध्यक्ष डॉ. सुखदेव थोरात, संस्थेचे सदस्य व विधानसभाचे उपाध्यक्ष अण्णा बनसोडे, डॉ. वासुदेव गोडे, मसनदी अधिकारी विश्वास पाटील, बाबुराव थरे, अरविंद सोनटक्के, चंद्रशेखर कोळबले, विदर्भ प्रमुख डॉ. सुनील खापर्डे आदी उपस्थित होते.

वडला येथे आठ हजार आसनक्षमतेचे स्टेडियम

पीपल्स एज्युकेशन सोसायटीचा मुंबई, मराठवाडा आणि पश्चिम महाराष्ट्रात विस्तार झाला असून, आता विदर्भातही संस्थेच्या कार्याचा विस्तार करण्यात येणार आहे. यासोबतच मुंबईतील वडाळा येथे आठ हजार आसनक्षमतेचे स्टेडियम उभारण्याची तयारी सुरू आहे. या स्टेडियममध्ये सांस्कृतिक, धार्मिक आणि अन्य सामाजिक उपक्रम आयोजित करण्यात आएंगे, अशी माहिती विधानसभाचे उपाध्यक्ष अण्णा बनसोडे यांनी दिली.