ध्वनीनियमांबाबत विदर्भ बॅकस्टेज असोसिएशनचा पुढाकार
लोकवाहिनी न्यूज
नागपूर : आगामी गणेशोत्सवाच्या पार्श्वभूमीवर डीजेवरील कडक निर्बंधांच्या पार्श्वभूमीवर विदर्भ बॅकस्टेज असोसिएशनने ध्वनिप्रदूषण नियंत्रणासाठी व्यावहारिक आणि संतुलित नियमांची मागणी केली आहे. असोसिएशनच्या उच्चस्तरीय शिष्टमंडळाने गुरुवारी पुलिस आयुक्तांची भेट घेऊन निवेदन सादर केले. प्रशासनाच्या नियमांना विरोध नसून, सर्व प्रकारच्या वाद्ये आणि साउंड सिस्टीमसाठी समान, पारदर्शक आणि वैज्ञानिक पद्धतीने डेसिबलवर आधारित नियम निश्चित करावेत, अशी भूमिका पदाधिकारियोंंनी मांडली.
या भेटीतील विशेष बाब म्हणजे असोसिएशनतर्फे ‘४ बेस आणि ४ टॉप’ या मर्यादित साउंड सेटअपचे लाइव्ह तांत्रिक प्रात्यक्षिक घेण्यात आले. पुलिस आयुक्त, वरिष्ठ पुलिस अधिकारी आणि महाराष्ट्र प्रदूषण नियंत्रण मंडळाच्या (एमपीसीबी) अधिकारियोंच्या उपस्थितीत साउंड स्टीम सुरू करून निर्धारित डेसिबल मर्यादित ध्वनी नियंत्रण शक्य असल्याचे प्रात्यक्षिकातून दाखविण्यात आले. या प्रात्यक्षकानंतर पुलिस आयुक्तांनी वरिष्ठ अधिकाऱ्यांना साउंड सिस्टीमची सविस्तर तांत्रिक तपासणी करण्याचे निर्देश दिले.
या प्रात्यक्षिकासाठी असोसिएशनचे ३०० हुन अधिक सदस्य व पदाधिकारी उपस्थित होते. शिष्टमंडळात अध्यक्ष संदीप बारस्कर, सचिव नंदन गजेंद्रगडकर, तसेच पम्मी भट्टी, निखिल कामडे, किरण घाडोळे, कमलेश भांडेकर आणि अमोल मुंडेकर यांचा प्रमुख सहभाग होता.
केवळ डिजिटल साउंड सिस्टीम किंवा डीजेला लक्ष्य करण्याऐवजी ढोल-ताशा, संदल, ब्रास बँड तसेच अन्य मोठ्या आवाजाच्या वाद्यांनाही ध्वनीच्या तीव्रतेनुसार म्हणजेच डेसिबलच्या आधारवर समान नियम लागू करावेत, अशी मागणी करण्यात आली. पश्चिम महाराष्ट्रातील काही शहरांच्या धर्तीवर नागपुरातही निर्धारित वेळ आणि डेसिबल मर्यादेचे काटेकोर पालन करण्याच्या अटीवर ४ बेस आणि ४ टॉपच्या नियंत्रित साउंड सेटअपला परवानगी द्यावी, अशी मागणी असोसिएशनने केली. सामान्य नागरिकांच्या डोळ्यांच्या सुरक्षेला प्राधान्य देत मिरवणुकांमध्ये हानिकारक उच्च तीव्रतेच्या लेज़र बीमचा वापर पूर्णपणे बंद ठेवण्याचे लेखी आश्वासन एसोसिएशनने दिले. त्याऐवजी दृश्यतेसाठी ८ ते १२ सामान्य फोकस लाइट्सना परवानगी द्यावी, अशी मागणी करण्यात आली. प्रशासनाने निश्चित केलेले सर्व नियम आणि वेळेच्या मर्यादांचे काटेकोर पालन करण्याची हमी साउंड ऑपरेटरनी दिली. नियमांचे उल्लंघन सिद्ध झाल्यास कायदेशीर कारवाई आणि दंडाची जबाबदारी स्वीकारण्याची तयारी पदाधिकाऱ्यांनी दर्शविली. गणेशोत्सवाची सांस्कृतिक परंपरा आणि नागरिकांची शांतता यामध्ये समतोल साधणे हा या उपक्रमाचा उद्देश असल्याचे असोसिएशनने स्पष्ट केले. सर्व वाद्यांसाठी समान डेसिबल निकष लागू केल्यास ध्वनिप्रदूवर्णावर प्रभावी नियंत्रण ठेवतानाच गणेशोत्सवाची सांस्कृतिक परंपरा आणि उत्साहही कायम ठेवता येईल, अशी भूमिका असोसिएशनने मांडली.
